Յառաջիկայ Փետրուար 2015ին` Կարդինալական դասի ժողով` Ս. Աթոռի կառավարութեան բարեփոխումներուն
համար։
(Ռ.Վ.12 դեկտեմբեր 2014) 'Յառաջիկայ Փետրուար 2015-ին, նախատեսուած Կարդինալական
ժողով մը` քննարկելու Եկեղեցւոյ կառավարութեան բարեփոխումներու ընթացքը, որուն պիտի
յաջորդէ նոր կարդինալներու ստեղծումի ժողովը'', յայտարարած է Ս. Աթոռի մամլոյ գրասենեակի
տնօրէնը` Յիսուսեան հայր Լոմպարտին, ընդգծելով որ Եկեղեցւոյ կառավարութեան բարեփոխումները
նախատեսուած են 2016-ին մէջ։ Նախքան կարդինալական դասի ժողովին, Քահանայապետին անմիջական
խորհրդատու 9 Կարդինալները կրկին պիտի հաւաքուին 9-11 Փետրուար 2015, կարդինալական դասին
ներկայացնելու համար իրենց աշխատանքներուն արդիւնքները։ Այդ ժողովին աւարտին Սրբազան
Քահանայապետը պիտի անուանէ նուազագոյն 10 նոր կարդինալներ։ Քահանայապետին անմիջական
խորհրդատու 9 կարդինալները վերջերս Վատիկանի մէջ գումարած էին իրենց հերթական ժողովը
քննարկելու համար Ս. Աթոռի կառավարութեան վերատեսութիւնը։ Նշենք որ 9 կարդինալները
իրենց նախավերջին ժողովին անսացին տնտեսութեան խորհուրդի փոխ-համադրող` Մալթացի տնտեսագէտ
Ժոզէֆ Զահրայի զեկոյցին, եւ սերտեցին անչափահասներու պաշտպանութեան յանձնախումբի 9 անդամներու
թեկնածութիւնը։ Վերոյիշեալ յանձնախումբը հաստատուած է անցեալ մարտին ու իր լիանիստ հաւաքը
պիտի գումարէ 6-8 փետրուար 2015-ին։